තේරවිලි තෝරමු

තේරවිලි තෝරමු

කොණ්ඩේ  නැතිව නිතරම තෙල් ගගා                යති

කන්නේ නැතිව සැමගෙන් වියදම්                   ගනිති

නොදුටු කෙනෙක් දුටුවම සිත කැමති                වෙති    

මෙතුන් පදේ තෙරුවොතින් නුවණ                   ඇති

                                        ( කොණ්ඩ  කැවුම )

කොයි පැත්තෙන් බැලුවත් ඇස               පේන්නේ

කොයිකා අසු වුණත් දෙකටයි             කැඩෙන්නේ

අත් දෙක නැති වුණත් පා දෙක            තියෙන්නේ 

මූ නැති වුණොත් මේ මගුලත්             කැඩෙන්නේ

                                       

                                        ( ගිරය )

එරන් කුඹේ පිට ඉන්නයි                      කියාගෙන

උනා නිල් වරල පිට දිග                      හෙළාගෙන

කිරි ඇති දෙතන සළු සතකින්               වසාගෙන

තෝරාපන් යාළු නුවණින්                     බලාගෙන

                                         ( බඩ ඉරිගු )

 කටුවානෙන් කෙටුවා වැනි කොළේ              සැටි

රතු නුලෙන් ගෙතුවා වැනි මලේ                    සැටි

තුන් මස පිරෙන විට කුකුළෙකු විතර             ඇති

සාර මසට පැසෙනා ගෙඩි කියන්                   සකි

                                         ( අන්නාසි )

අන්න බලාපන් අත්තක                       ඉඳලෝලු

පපුව පලාගෙන අඟනක්                        මද කාලු

කකා ගිය ලෙල්ල රස කර                         උයාලු 

අද බැරිනම්  හෙට තෝරාපන්                      යාලු

                                         ( ගොරකා )

අත්ත අගින් සුවිසි මල                      පිපෙන්නේ

නැට්ට ළඟින් කිරි වැදිලා                 පැසෙන්නේ

ඇටත් පොතුත් නැති ගෙඩියකි        බොලන්නේ

තෝරාපන් යාළු නුවණින්                  කියන්නේ

                                          (දෙල් )

පොත්ත උඩින් සුදු පාටට                 දිලෙන්නේ

ඇන්න විටදී සරබර හඬ                    නගන්නේ 

ඒ ඇතුළේ පිරිපුන් සඳ                     දිලෙන්නේ

නැට්ට නැති ගෙඩිය තෝරා               එවන්නේ

                                          (බිත්තරය )

දාර දෙකයි එක නම මුල් කර               තැනුවා

පාර තිහක් තැළුවට බයකුත්                 නැතුවා

කොන් සතරයි කණු සතරයි ගෙට         ඇතුවා

තෝරාපන් ඊයේ මගදී                           දුටුවා

                                         (ඉබ්බා)